10几年前嘅老同学突然加我微信，我应唔应该通过？在线等回复！
2016/4/28 广州笋嘢益街坊
有一日打开微信
睇到一条新朋友添加信息
“hi，我係XXX，你小学同学啊”
印象中係识得尼个人，不过好似唔係好熟
点解时隔10几年加我微信？
我有D冧法...
莫非...佢要同我表白？
其实我小学果时好钟意你
最近突然问到你嘅微信号
你依家点？不如得闲出嚟聚一聚
我有好多嘢想同你讲
其实我...
莫非...佢想睇下我个样变成点？
哇，好耐冇见!
睇你朋友圈嘅相，你变靓咗好多哦
眼睛大咗，鼻挺咗，下巴尖咗
用咗咩P图软件？
我又download下先
莫非...佢想问我XXX嘅微信号？
喂，好耐冇见!最近好吗？
你仲记唔记得小学5年级坐我后面果个女仔
同你好熟果个呢？
你哋依家仲有冇联系？
我想...
莫非...佢想搵嘢做？
老同学，最近忙紧D咩？
其实有件事想搵你帮下手!
我上个月辞咗职
你有冇D好工作介绍一下？
我要求唔係好高，月薪8千左右
离我屋企近D啦，双休，最好包午餐
莫非...佢想借钱？
好耐冇见，睇你朋友圈
上个月又去旅游啊你？真係好啊
我直话直说啦，最近手头有D紧
唔知老同学你可唔可以借我2千蚊
下个月我一定还!
莫非...佢想叫我帮佢充话费？
仲记唔记得以前我成日请你食棍仔糖？
仲记唔记得我哋以前有几亲密？
等等，有信息!
哎呀，死啦，手机欠费，帮我充下话费!
136XXXX9000
充完我哋继续倾!
莫非...佢要係个微商
问我买尼样定係果样？
hi，老同学
最近要唔要充流量？
依家冲100送1000哦~
hi，老同学
平时用开咩面膜？
我同你讲，尼只面膜敷2块就边得水嫩嫩!
hi，老同学
最近搞活动，手机买一送一!
……
我要唔要提前收好尼个做表情呢？
莫非...佢要结婚，佢个仔满月？
老同学，好耐冇见啦!
几时得闲嚟我屋企坐下啦!
係啦，我下个月个仔满月
已经订好酒店啦，到时一定要过嚟啊!
顺便一班老同学聚一下!
莫非...佢要集LIKE？
急!急!急!
帮帮手，去我朋友圈第一条点个LIKE!
仲差几个就够啦
多谢晒!
莫非...佢要拉票、佢个仔要拉票？
帮帮手，投69号
一定要投哦，我阿B嘅玩具就靠你啦
唔投唔係朋友!
莫非...佢想偷我表情包？
哈哈哈，老同学!
(表情)
哇，好得意啊!
仲有冇尼D表情？
快快快，发俾我!
莫非...佢想用88蚊红包叫我设计logo？
听讲你係做设计？
我最近需要个logo啊，帮我设计个啦!
红包一定唔走佬!
听讲你係编辑？
帮我写份稿啦，好简单几百字就可以
红包一定唔走佬!
听讲你係律师？
我最近遇到D麻烦事，你俾D意见我啦!
红包一定唔走佬!
莫非...佢想我买保险、买楼、开卡？
一份保险一份安心
为你同屋企人买翻份啦!
依家买楼一D都唔贵!月薪5000都供得起!
首期？以你嘅资质好容易贷到款!
开张信用卡啦，开咗唔用都得嘎
帮手冲下业绩!
莫非...佢俾人盗咗号？
估下我係边个？
“王八？”
係啊係啊，咁耐冇见，你仲记得我个名!
已经纠结咗12粒钟
我到底要唔要通过佢好友添加呢？
在线等回复!!!
快D评论留言比我!!!
【特别声明!本文中的图片来自网络，版权归原创者所有!感谢作者分享，如有侵权，请通知删除!】
http://www.duyihua.cn
返回 广州笋嘢益街坊 返回首页 返回百拇医药