每个阿妈都係大话精，但係，我依然咁爱你！
2016/5/7 广州笋嘢益街坊

    

    回忆起童年，一定离唔开一个人——妈妈。

    

     吃饭有妈妈喂，训教有妈妈讲故事，

     冻有妈妈冚被，唔开心有妈妈氹。

     “养儿一百岁，长忧九十九。”

     每个妈妈都会扑心扑命为孩子着想，疼锡佢，呵护佢。

     虽然知道妈妈係为我地好，

     但係好多时候我地依然觉得佢好烦▼

     除咗烦，每个妈妈仲好中意“讲大话”——

    

    

     -大个先好拍拖啊-

     如果可以嘅话，妈妈宁愿我地唔好拍拖，仔大仔世界，女大不中留，其实妈妈都係惊我地挂住拍拖忽略咗佢。

    

     -吃水果核头顶会发芽-

     吃西瓜成日都会懒得吐核，直接吞落肚，妈妈都中意呃我地会头顶发芽，其实都係惊我地会啃亲啫~

    

     -饭吃唔干净会娶豆皮妹-

     粒粒皆辛苦，一定唔可以浪费粮食。都係多得妈妈嘅“恐吓”，我地宜家先会知悭识俭。

    

     -你係执翻来嘅-

     基本上90%嘅妈咪都会咁样同自己小朋友讲，其实就想你可以坚强D，独立D，唔好成日依赖妈妈。

    

     -你大个就明嘅啦-

     你以为佢係懒得解释或者唔识得解释，其实妈妈係唔想你知得太多，荼毒属于小朋友嘅纯真。

    

     -帮你储埋D利是钱啊-

     一直都以为妈妈已经将旧钱私吞，但係当你结婚买楼买车要用钱嘅时候，妈妈摞出来嘅钱绝对比你甘多年来嘅利是钱要多。

    

     -我唔中意食，你快D食-

     记忆中，妈妈最中意食嘅就係餸头餸尾，我中意食嘅妈妈一定唔中意食。

    

     -讲大话会甩大牙-

     因为想有一副洁白整齐嘅牙，呢一世人都无讲过大话。疑惑嘅係，点解妈妈讲咁多大话都唔甩大牙？

    

     每个妈妈或多或少都会讲过呢D大话，当年天真懵懂就会信以为真。

     你嘅妈妈係咪都一样咁中意讲大话，又烦人？

     但係妈妈依然係世界上最爱你嘅人

     依然会喺你迷茫伤心嘅时候

     俾你最温暖嘅怀抱。

    

     无论几忙都好，记得常回家看看

     多D陪下父母

     陪伴比起任何嘅金钱同礼物都要珍贵。

     母亲节就来到了，小编想同妈妈讲一句

     妈咪，我爱你!

     你有D咩想同妈妈讲？

     喺下边留言同小编share呢份感动啦~

     【特别声明!本文中的图片来自网络，版权归原创者所有!感谢作者分享，如有侵权，请通知删除!】

    

    

    

    http://www.duyihua.cn
返回 广州笋嘢益街坊 返回首页 返回百拇医药