娱快讯 | 港姐冠军李珊珊晒照击退脑瘤传闻，杨丞琳32岁生日李荣浩甜蜜送祝福
2016/6/4 广州笋嘢益街坊

    

     【击退脑瘤传闻新相曝光】李珊珊微博晒近照 勁精神

    

     成日畀人感觉神秘到极嘅李珊珊，虽然偶尔有UPDATE微博，但都好少「露面」。而最近活跃番嘅佢，岩岩喺微博晒左一张近照。相入面，李珊珊眼仔睩睩咁，虽然戴住大大个黑口罩，但望落都相当精神。佢仲留言话：「这是一张即兴的照片。今天收到五份从韩国带回来的礼物，全是右边送给我，在此谢谢啊!拆礼物是一件没有人不爱的事情，还要买对心头好，很难不兴奋!你们看到的帽及口罩就是礼物之一，那就拍照看看效果!」原来个口罩系礼物嚟嘅，望落又真系几靓同几潮喎。

     杨丞琳32岁生日 李荣浩蜜蜜送祝福

    

     台湾女星杨丞琳今日32岁生日，凌晨时分上载左多张捧蛋糕照，当中更有蛋糕沾上鼻嘅自拍，表情多多，虽然丞琳系病住咁过，但似乎今个生日佢都过得几甜蜜，仲表示自己幸福地过着。其微博写道：「32。病了，但，幸福地过著(着)～祝我生日快乐。」不过其实喺女主角发博文前，半公开恋情嘅男主角李荣浩，就非常有心思地选择喺零时零分，简单抛下一句「生日快乐」，冇@任何人，不过大批网友都估佢系向丞琳蜜蜜送祝福，so sweet～

     自荐拍祖儿新歌MV 欣宜低胸热唱获讚

    

     天后容祖儿最近推出嘅新歌《双子座》未有MV，不过同祖儿一样系双子座嘅歌手郑欣宜，早前就自荐为对方拍左个MV。祖儿喺Facebook上载欣宜嘅作品，仲留言话：「这位顽皮的双子座就用靓人靓景做了一个深情的示范 ，thank u sweetie.」片中欣宜喺一望无际嘅沙滩上，着上低胸衫，播住祖儿嘅歌，一边用口型跟住唱，一边喺沙漠上舞动。见佢唱得七情上面，相当投入，网民都力讚：「欣宜冇得输，女神进击!」、「果然系女神!」

     冇同祖儿嗌过交 刘浩龙澄清火爆性格

    

     歌手刘浩龙(师兄)、薛凯琪(Fiona)分别接受ViuTV节目《Interviu》访问，师兄在节目中重谈一年前的「污糟手事件」，他表示：「事件发生后，我当然有反省，亦知道自己处理不当，很多谢公司的支持。其实，没有如外界所讲的『雪藏』，只是转到内地工作。」

     面对外界抨击，师兄没有意志消沉，他直言向女友容祖儿(Joey)学习勇敢面对：「在Joey身上，我学会对外间的言论事情无须太执着，为别人的意见而做人没有意思，我亦慢慢学会控制自己的脾气，一改过往火爆的性格，明白到情绪稳定才是成熟表现。」被问及与Joey一起时会否争执，师兄坦言：「从来都没有与她吵架，我们只会慢慢倾，用沟通的方法去了解对方的想法，吵架只会伤感情。」

     大肚张嘉儿狂晒三点式坚索

    

     佗B六个月的前港姐张嘉儿今日喺社交网上载一辑索爆比坚尼相，原来嘉儿趁住BB佗稳左去泰国布吉旅行鬆一鬆，佢换左两套比坚尼，真系索到爆裂呀!相中嘅佢因为怀孕关系上围丰满不少，目测有成3吋事业线，但嘉儿仍然面尖尖兼且四肢纤幼，真系睇唔出原来有左6个月，而其中有一张相，嘉儿站在水上电单车上留影，相信佢只系用嚟摆吓pose，等生完再玩。

     《百想》双宋夺人气奖 宋仲基以为上错台

    

     韩国《第52届百想艺术大赏》今晚在首尔举行，大会早前在网上举行人气奖投票，投票于5月31日结束，电视部门由宋仲基及宋慧乔夺得，电影部门则由男团EXO的D.O.及miss A的秀智夺得。奖项由内地演员吴秀波及李锺硕颁发，宋仲基及宋慧乔上台后获粉丝尖叫欢呼，由于只有一个奖座，吴秀波又读错了宋仲基的名字，令到宋仲基以为他没有得奖，更即场反问有没有叫他的名字，并一度以为自己上错台。

     李毓芬玩瑜伽晒腹肌 狗仔望到眼甘甘

    

     身为「宅男梦中情人」的台湾女星李毓芬经常做运动保持Fit爆身材，最近她在微博上载玩瑜伽照，见她双手挂着绳子大骚腹部线条，身旁的小狗狗亦被她「迷倒」，走上前紧紧盯着她，李毓芬亦笑言多得对方陪伴。不少网友大讚其身材一流，性感配萌爆狗仔的构图冇得顶!

     里奥仔翻塔英国女模Roxy Horner

    

     美国男星里奥勒度狄卡比奥(Leonardo DiCaprio)专食女模，他被爆经常飞到英国，与28岁英国女模Roxy Horner见面。里奥仔周二飞到伦敦与Roxy约会，两人一起到Tape夜店夜蒲，其后再到豪华酒店Chiltern Firehouse欢聚，在场人士形容里奥仔与Roxy神态亲密。「知情者」透露：「Roxy系个好sweet同关心人嘅平凡女仔，佢天生丽质，又同里奥仔好多共通点，佢的好倾慕对方，好享受喺埋一齐嘅时间。」

     恶搞洪永城唐诗咏合照 吴业坤劲抽水

    

     近日有指艺人洪永城(Tony)翻挞旧爱Bird Tse，令到女友唐诗咏嬲嬲猪!事后Tony就上载左一张同唐诗咏一齐食野Sweet爆嘅合照，仲话：「痴(黐)线，我的不知几好。」反击外界传闻。

     不过，点知Tony嘅「绯闻」一浪接一浪，又多一个人出面「介入」佢的两个嘅恋情!嗰个就系最近人气急升嘅歌手吴业坤(坤坤)!坤坤上载一张同Tony嘅合照，画面仲抄足Tony同唐诗咏嗰张咁，坤坤仲话：「痴(黐)线，我的不知几He(HeHe)。」不过，相入面嘅Tony就似乎「死神Ray」(洪永城《实习天使》角色)上身，黑晒面咁望住坤坤，睇嚟唔太满意咁喎!

    

    

    

    http://www.duyihua.cn
返回 广州笋嘢益街坊 返回首页 返回百拇医药