珠江台曝光朋友圈轻松筹变“轻松骗”？！消费网友同情心骗财就为咗去旅行？！
2016/6/13 广州笋嘢益街坊
有冇发觉最近我哋除咗俾微商刷屏
朋友圈仲出现好多“爱心众筹”!
经过唔同渠道嘅传播，好多都达到目标金额
但最近就有电视台曝光!尼个“爱心众筹”
——“轻松筹”疑成“轻松骗”
▼
视频中尼个女仔发现佢帮助嘅女大学生
通过轻松筹为病母筹款6万
事后却日日晒吃喝玩乐
▼
其实打开朋友圈
发现身边确实有好多“轻松筹”
亲戚、朋友、老师、同事等
▼
微博更是每隔几分钟就有一条“轻松筹”出现
比如尼D琴日係儿子，今日变成弟弟
小编我就唔作过多评价
▼
除此之外仲有好多难以辨别真假!
其实我都唔想咁多疑，但喺献爱心嘅同时
最怕自己嘅爱心正俾人利用紧!
就好似视频中，献嘅爱心善款
居然係俾筹款人过上更优质嘅生活？
▼
01
“轻松筹”的确好“轻松”!
只要你喺“ 轻松筹 ”点 “ 发起筹款 ”
并发起项目，写说明(发挥小宇宙啦)
就可以发布啦
不过发布之前
仲要写你同受助人嘅身份及关系
唔想写？咪跳过咯
之后就可以喺自己 “ 发起的项目 ” 度
搵到尼个“轻松筹”项目啦
只要点击“帮助TA”就可以捐款!
係咪好简单好轻松呢？
02
筹款目标任意定、随意改!
如果你喺轻松筹上面嘅项目
喺规定时间内未筹够目标金额
按照规定筹款将原路归还到支持者手上
然并卵，目标金额係可以随便改
如果快到规定时间但未筹够
就降低目标金额，筹款话咁易就可以摞出嚟
03
病情及治疗方案缺乏权威助证!
唔知你有冇发现
有D轻松筹都缺乏医院治疗方案及相关证明
或者尼D证明都豆丁咁细
(所谓嘅“大图”)
有人认为入面好多“实名证实”嘅“爱心人士”
造假并不难!
04
筹款后资金使用无人监管
当提现之后，轻松筹係唔会理
尼笔筹翻嚟嘅善款係咪真係摞去救命
好多捐过款嘅人表示
好少睇到求助者晒医疗账单!
所以好难确保我哋捐出去嘅爱心
係咪真係被好好利用
05
提现要收2%嘅手续费？
依家微信提现要1%嘅手续费，我哋都嫌贵
但“轻松筹”提现却要收取2%嘅手续费
(亮点：最顶处“声明”)
即係筹集十万蚊
就要收取2000蚊手续费
提现过程中
显示提现费为第三方支付通道费及服务费
如果你认为尼度嘅第三方係微信？咁你就错啦
因为微信对公益係唔收手续费!
唔讲唔知
当你以为“ 轻松筹 ” 係个众筹平台嘅时候
其实佢嘅真身係一间
经营数码产品嘅网络科技有限公司!
从工商局查询到的结果，其经营范围都係同数码产品相关，但只字未提众筹慈善，公益募捐。仲特别强调，未经有关部门批准，不得以公开方式募捐资金。
1、未经有关部门批准，不得以公开方式募集资金；
2、不得公开开展证券类产品和金融衍生品交易活动；
3、不得发放贷款；
4、不得对所投资企业以外的其他企业提供担保
(红线部分)
综上所述
如果轻松筹一年筹10亿
其一年提现手续费就有2000万!
扣除一D平台维护费，都发达啦!
除此之外，网上仲有人以此作为赚钱契机
为“轻松筹”作出一个75分钟嘅教程
(视频有毒!小编就唔放上嚟，
都希望大家唔好去学!)
无可否认
“轻松筹”的确帮到一D真係需要帮助嘅人
但总有人利用漏洞，去骗取他人同情心
又应该点去处理？
你又对“轻松筹”有乜睇法？
欢迎留言话俾大家知~
http://www.duyihua.cn
返回 广州笋嘢益街坊 返回首页 返回百拇医药