我仲留喺广州，因为我系一个广州人。
2016/7/14 广州笋嘢益街坊
每一日系广州经历着日出日落嘅人
无论系本地人定系外地人都一直见证住
我地大广州嘅变化
从车水马龙，到地铁连城
从青砖壁瓦，到高楼林立
但系所有本来看似美好嘅事情
背后总会有好多不足嘅地方
搞到我地不得不有一个念头
在 广 州 ， 我 活 不 下 去 了 !
“ 住 唔起 ”
「广州7月一手住宅均价元18679/平方米，我可以肯
定好多人都买唔到! 房租又一年更比一年高。再睇睇
房价上涨嘅速度，小编内心已经崩溃!」
“ 吃 唔起 ”
●今年4月过后，各地猪肉价格一直升!目前猪肉价格远超去年同期，且高于2011年同期价格水平。
●在批发市场，普通鲜猪肉包括白条肉、前瘦肉、后瘦肉、前上肉、后上肉、五花肉等价格都处于高位，猪肉均价保持在20元每斤上下浮动。
●而且点一个外卖就二三十，但系健康问题就唔担保了。出去吃仲嗨贵!分分钟一日嘅工资就没晒!
“ 玩 唔起 ”
出去玩多人到扑街咁啊!分分钟淹没在人海!公交、地铁可以令你知道咩叫凄惨人生!
“ 爱 唔起 ”
住唔起、吃唔起、玩唔起，仲谈何爱得起!
有几多真爱真系可以唔洗立足于现实面前噶呢？
又或者话~真爱就系
我唔厌弃你、你亦唔厌弃我
无论贫穷定富贵
携手共度此生....之类的吧
(好似结婚誓词。)
“ 病 唔起 ”
系广州，必须好好爱护自己身体。
因为万一病咗，买药D钱都足够你一个月嘅工资!
睇个医生可能会无咗你一半嘅积蓄!
所以，身体健康最重要!
其实生活并没咁多一帆风顺
好多嘢其实都系我地唔愿意去将就
广州其实系一个令人又恨又爱嘅地方
虽广州虐我千百遍
但我待广州如初恋
▼
属于广州的人生
有人话过，你参透咗广州，你就参透到人生。
生活：就好似上下九步行街，唔知道几时先可以走到尽头;
人生：就好似广州南站，经常稳唔到出口;
心情：就好似中山六路，两日一小塞，三日一大塞，舒畅嘅时候屈指可数;
爱情：就好似广州部分路段，顺时激情四射，一到落雨就浸到嗨咁;
事业：就好似东风西路，总会有大车挡系你前面，超吧，没能力，不超吧，只能跟在别人屁股后面;
理想：就好似机场路，睇过，然后只系路过。
属于广州的四季
好狗好狗之前
冬天爱上了夏天，但系佢地始终见唔到面
后来，佢地为咗系埋一齐
冬天怼冧咗春天，夏天怼冧咗秋天
从此，广州嘅冬天和夏天永远系埋一齐啦
定律1：洗完车就落雨!天气预报话，呢几日有雨，睇下自己部车好鬼死邋遢，霖霖都系先忍忍。点知等极都唔落，把心一横只好拿架车去洗，第二日，落雨
定律2：阴晴不定!东边太阳西边雨嘅天气系广州很常见，明明头顶一片阳光灿烂突然落太阳雨，防不胜防嘅天气，无晒办法!
定律3：晴天和大雨!广州有时候热到蒸炉咁，有时候连续落雨落到你烦，大雨之后必定要地方水浸，必定会塞车，塞车之后上班就会有机会迟到，迟到之后必——扣工资!
属于广州的公交
仲记得细细个d公交车仲系1蚊鸡搭一次嘅时候
没有密封玻璃带俾我地嘅束缚感
可以一路感受车外每个停站嘅瞬间
广州挤公交定律：
1.心情好，一部接住一部来
2.好赶时间嘅时候就系唔来
3.岩截到的士，公交车就来了
4.等咗半日好不容易来了趟车，满的
5.死咁逼上去后，先发现后面跟住部空车
6.上车后眼柑柑望住后面部空车跑前面了
7.寒风中狂冻半小时，你妹两部肩并肩来了
广州最遥远的距离
呢个系一个悲伤嘅故事
广州北京路，一男一女大吵之后
约定背对背各走100步
回头时如果仲见到彼此就唔分手
结果，佢地行咗两步就都回了头
却惨没有看见彼此
然后......佢地就分手了
系广州
最遥远的距离，不是生与死的别离，而是：
你系品牌店碌紧卡，我系批发市场砍紧价
你系广州大道飙迈巴赫，我系沙河逼公车
你系天河买咗房，我系冼村租平房
你系酒店烛光晚餐，我系天桥摆小摊
你系广州大剧院睇表演，我系麦当劳里用紧免费兑换券
属于广州的葫芦娃
娶个广州媳妇等于娶咗葫芦娃
1.打老公果阵系大娃，力大无穷
2.八卦果阵系二娃，千里眼顺风耳
3.逛街果阵系三娃，有金刚不坏之身
4.发怒果时系四娃，口喷烈火
5.撒娇时系五娃，用眼泪浸死你
6.一提到家务就系六娃，马上隐身
7.发工资时系七娃，老公工资吸吸吸
属于广州人的自豪
在广州的大街上
你可以见到有D人为咗
赶公交、赶地铁不顾形象地与时间奔跑
只因 为了工作
你可以见到情侣嗌交
但到最后总有一方会让步，上前紧握对方的双手
只因 为了爱情
你周末可以见到好多人在外玩乐
有酒、有菜、有笑、有喊、有欢呼、有激情
只因 为了生活
.......
广州，一座美丽而繁华嘅城市
虽然生活一日比一日艰辛
但正因如此，我地更加要努力奋斗
作为广州人，我自豪!
http://www.duyihua.cn
返回 广州笋嘢益街坊 返回首页 返回百拇医药